هــــاذي التصاميم إهداء لزوار سبيسي بمناسبة الكاس

تحـــ لكم مزون ــاتي

                                                                              

      

       

I hope That  u like it

Best Wishes for every body 

Mzoon

يمــــه كنت بتشوط

ياجماعة الخير كنت بروح فيها وبتشوط
وبستوي نفس هاذي

8

8

8

8

8

8

8

 
والسبب جراجة اللابتوب
هو كان خربان ولازم اعدله كل شوي عشان يشتغل انا كنت اسمع الصوت كل ماعدلته
بس ماتبت شو اسوي لازم اجازف أبي استخدم الكمبيوتر
وصار اللي صار
سمعت صوت انفجار قلبي بغى يروح فيها الواير انقص يعني ماشي لابتوب
وطبعا ماخبرت حد انه اخترب على يديني
بس عطيته ربيعتي وودته عن الهندي وماقصر لصقلي اياه والحينه اكتب هالبلوق بعد ماعدلوووه
وهذاااا شكله وهو محترق
8
8
8
8
8
8
8

الحمدالله انها عدت على خير ومزوتنكم طلعت مها صاغ سليم
ماوصيكم تحمدولي بالسلامة

أنتظر الكومنتس

كانت بداية السنة الدراسية وانتقلت من اول ثانوي لين ثاني ثانوي كانت هالمرحلة مهمة بالنسبة لي
والسنة هذي كلها غير لاني راح ادخل ياعلمي او أدبي حسب اختياري وانا اخترت علمي 

 <<<<< إحلفي انتي بس

المهم انا كان ودي اختار ادبي لانه اسهل بس قلت خلني افرح امي وابوية وادش علمي لانه البيت كله ادبي
وبما اني قادرة ونسبتي حلوة قلت ليش لا يكفي انه بيدلعوني وهذي اهم نقطة

سرت المدرسة وطبعا دوم اول يوم مااييني رقاد  واتجلب وحاتلي حاله وافكر فاول يوم تعرفون من زمان ماشفنا بعض فبنستانس وانا متصلة فربيعاتي من قبل عساس يستقبلونلي اقصد يتريوني فمكان معين 
مب اسير ادورهم شرات الخبلة روحي مع اني ضامنة عمري بحصلهم يفترون في هالساحة المهم تلاقينا  وهاليوم كله سلام وبوسات تعرفون أول يووم

 وبما اني واصلة متأخرة نفس كل مرة فكلهم لقووو صفهم وعرفووو منو وياهم وقالولي انهم مالقوو اسمي أنا تحسبتهم يتمصخرون  واقول فخاطري علينا
قلنا خل ندور مرة ثانية رحت دورت طبعا فصفوف علمي مالقيت اسميقلت اوه ظلمتهم مافكرت وايد علطول قلت حق اعز ربيعاتي واللي هي أميرة البنفسج بيلس  فصفكم ويلست عدالها اول 3 حصص وجنه صفي وماخذة راحتي عالأخير

ودوم الأبلوات يزقرون الأسامي ويقولون منو ماقلنا اسمها ارفع ايدي ابلة أنا

ههههههههههههه وبكل ثقة وعقب اقولهم شوي من هالكلام الحلووو عشان يسولي واصطة ويخلوني اتتم
عقب الثالثة فسحة طلعنا وربيعاتي قالولي اسير الادارة
اسال مب معقولة جي بتم قلتلهم خلاص سرنا ويا بعض دخلنا قلت حق الإخصائية اني مالقيت اسمي
اكيد بتسألني وين كنت اول 3 حصص وقلتلها طبعن فدورت اسمي وطلعت تعرفون وين مابتتخيلون كاتبين اسمي فأدبي تخيلووووو يعني انا مختارة علمي مب مااخترت
عشان روحهم يودوني وين مايبون ونسبتي زينة قلتلهم طبعن ماسكت
فقالتلي مب مشكلة روحي صفج فادبي مب تسيرين مكان ثاني  وعقب بننقلج يعني عقب اسبوع تعرفون فيه مجال اسبوع للي يبي يغير ومو مرتاح
طبعااا هالوقت بدت مأساتي حليلي والله أكسر الخاطر احس اني صرت نفس ابن بطوطة
رحت صفي للي كان فوق عقب مادق الجرس واقول حق اميرة باي وااااااااء وتضحك علي وانا اضحك بس بعد قهرر

 ((للعلم ادبي فوق وعلمي تحت ))

ربيعاتي اللي فأدبي  كانوووو فاتحين عيونهم مزون شو تسوين  قلتلهم كله من دعواتكم ردوني عندكم لانهم دوم كانوو يقنعوني ادخل ادبي هو كنت مستانسة مااقول لا وكان كله يضحكون علي يعني استغلووو الفرصة قطعوني تقطيع ويقولونلي بعد تبين تحولين ماتبتي بس حرة على قلبهم بنتقل بنتقل

كنت انزل بين حصة والثانية تحت اسير عند ربيعتي وعقب نفتر ونرد فوق تحت لانه فوق معزولين عن الدنيا ماعلينا من هذا كله المهم
يلست فصفي وكنت اعرف يعني كم بنت في صف اللي حطوني فيه اللي فأدبي  وتعرفت على بنات وعلى وحده وايد اعزها هي كانت ربيعة ربيعتي اعرفها عادي بس
من كنا فنفس الصف تعرفت عليها اكثر يعني كان خاطري اتم فادبي عشان نكون ويا بعض الصراحة واللي هي بحور الشوق

وتميت تقريبا 3 ايام او اربع مااذكر والله بس كله أقول حق الأبلوات تراني علمي من الحين  أخبركم حشرتهم
و24 ساعة عند الادارة  لين ماقالووو خلاص خذي قشج هههههه اتخيل جي يقولون والله احس نقلونلي بسرعه عشان يفتكون مني 
وانا فبالي شي واحد اي صف بيودوني هم 3 صفوف علمي انا كنت في 2 ويا ربيعتي وخاطري يحطوني فيه
بس واثقة انه هالشي مابيصير رحت ورديت وقالتلي سيري علمي 3 قلت فخاطري  اوكيه يعني يتحسبون ماعندي حد هناك رحت دقيت الباب طبعن دشيت بخوف الكل يطالعني بنت يديدة وداشة على اخر الحصة الرابعة قلت حق الأبلة ورقة قلت حق الاخصائية تكتبلي اياها عشان مافيني اتكلم وايد المهم عطيتها وعطلول

 دورت وين ريعاتي ويلست عندهم  كنت صدق مستانسة وسوالف خلص الدواك ورديت البيت وقلتلهم خلاص ودوني علمي الحينه

اليوم اللي بعده خلص عادي حشرة وسوالف بس على اخر الدوام يعني الحصة السابعة اندق باب الصف فتحت الفراشة الباب وياها ورقة
كان مكتوب اسمي انا تعيسة الحظ المهم قالتي شو مسوية مزون وربيعاتي يعلقون انه اكيد مسوية شي قلت مالحقت اتنفس ههههههههههه المهم رحت وانا امشي اقول يعني صدق أفكر ليش تباني الإخصائية رحتلها وشو تتوقعون قالتلي قالت والله مزنة من باجر انشاء الله بتكونين فعلمي 1جفتو حكم القوي
سكت وكانت حالتي حالة رديت الصف وانا زعلانة طبعا اول مادخلت استفسارات من البنات قبل الأبلة
المهم قلتلهم نقلوني ربيعاتي اكيد زعلووو وقالوولي حاولي قلتلهم ماشي امل قالت شي نقص هناك يعني الحين اللي يقول انا بعوضة
رديت البيت وانا زعلانة وصدق صحت صياح تخيلوووو

كنت فصف ربيعتي عقب رحت ادبي وانا لازم اكون فعلمي عقب ودوني علمي 3 عقب 1
ماباقي غير يودوني  3 ثانوي
يعني قضيت أول اسبوع كل تنقل ؟؟؟
رحت المدرسة اليوم اللي بعده وقعدنا نسولف لين ما دق الجرس
  المهم دخلت صفي واميرة راحت صفها واقول ياترى كيف بيكون صفي وشو بيصير بعد

الصدمة الكبيرة يوم دخلت الصف انه شو أقولكم صف ولا أروع اعرف وايد بنات وصف وايد حلووو

 
يعني كان خاطري اسير عند الإخصائية وابوسها عراسها ههههههههههههههههههه
بس صدق كانت مأساة يعني مستحيل أنسى هالسنة أبداااا
أبي اجوف كومنت على قصتي واذا مريتو بنفس الموقف او اذا صارلكم شوراح يكون شعوركم؟

بالنسبة لي صدق تعقدت وحسيت بضيجة بس عقب استانست لاني تعرفت على وايد بنات

تحيــ لكم مزون ـاتي